延伸閱讀：引以為誡
係 2020 年 3 月環球大跌市、再加上唔知幾時要拎錢走嘅陰霾底下，呢一項守得更緊，可以搬都搬倉唔接貨
上年新鮮人其中一招係：等
如果讀者睇返新鮮人上年期權年結 (按我開啟)，新鮮人做嚟做去都係呢幾隻股票：
- XBC 3988 中國銀行
- BOC 2388 中銀香港
- LNK 0823 領展
- XCC 0939 建行
新鮮人係好認真研究過呢幾隻股票，上年個睇法係：每隻股票都有一個抵買價格，如果低過呢個價格可以接貨，咁就坐艇都唔驚
上年新鮮人心目中嘅價如下：
- XBC $3.30
- BOC $22.0
- LNK $70.0
- XCC $6.00
而好明顯 XBC 就係睇錯市，接貨坐艇坐鑊金。不過話雖如此，新鮮人用生命值硬接嘅 30 手中國銀行 (接貨價 $3.40，總值超過十萬)，到今日其實都係平手冇蝕錢！
咁樣做 short put 最好就係個市好似樓下 D 婆仔咁妹吓妹吓，唔好大升唔好大跌，咁新鮮人就做得輕鬆、唔駛成日做功課 review (切勿模仿 XD)
一年之後睇返，LNK 同 XCC 都係微升，所以新鮮人一直都可以出出入入。但 BOC 成 $28，除非新鮮人由頭 review 過抵買價格 (if any)，否則新鮮人已經冇出手機會！
新鮮人最近升職後，唔單止月供股票加馬 (詳情按我)，係期權上面都定立咗小目標：希望每個月現兜兜執到一萬蚊期權金
新鮮人都諗咗好耐應唔應該定立一個咁樣嘅目標，因為咁樣好可能會令新鮮人做錯決定、焗住 trade，亦都好可能令自己為咗跑數做短期期權，而忽視 short call 最好嘅朋友：時間值
每個月執一萬蚊其實係一個好高嘅目標，因為新鮮人只係留咗唔夠廿萬去「玩」期權！當新鮮人一年執到十萬蚊，其實講緊係一年賺 50%，咁你話目標係唔係太高喇！不過正正係因為難，新鮮人更加要不斷提自己唔可以上身輸身家
為咗達成呢個「小」目標，新鮮人決定唔可以好似上年咁等，要主動出手先有機會跑到條數！
最近新鮮人就做咗 WXB 2269 藥明 short call。當日揀佢最主要係純技術分析，其他乜都唔知！淨係睇名估佢係做藥，估佢係中國公司，新鮮人當刻連佢股票號碼係幾多號都未知 XD
咁究竟係咩技術分析呢？新鮮人唔敢班門弄斧教人，亦都唔係太識講，可能係當年讀大學一路以嚟訓練到嘅所謂「盤感」掛！
但講又咁講，每逢大牛市都有少年股神。就算如果新鮮人呢一年咁好彩達到目標，話唔埋都只係因為順住大時代而係推土機前面執豆呢！
延伸閱讀：引以為誡
沒有留言:
發佈留言