儲蓄保險食屎狗

呢個話題，新鮮人本身諗住供滿哂先一次過將保險食屎狗軍
新鮮人踏入社會大學將近十年，由月供股票到近呢一年做吓期權
有一件事一直都放唔低，就係一出嚟做嘢嘅時候畀人搵笨柒叫買儲蓄保險
一出嚟做嘢第一年搵兩萬幾蚊，對於一個從來冇收入嘅新鮮人真係好多
多到去 ATM 係一日提唔哂出嚟咁多
有錢唔知點駛，保險食屎狗就會聞到錢味湧埋嚟
保險食屎狗就係睇準大學畢業生唔識拒絕人去開單
新鮮人好記得自己唔識拒絕人咁簽單嘅畫面，隻保險食屎狗開完單就即刻 sell 第二張單畀我

買完儲蓄危疾就即刻 sell 我買份意外！
十年前搵兩萬幾蚊都算過得去，但十年前嘅我加埋係供緊 6000 幾蚊嘅單
呢班保險食屎狗為咗佣金真係唔理你供款佔人工幾多，仲好意思叫自己理財顧問！

新鮮人對大家嘅忠告：
1. 儲蓄保險係搵笨柒，儲蓄還儲蓄，保險還保險最好！保費係支出，有儲蓄成份必搵笨柒！
2. 如果儲蓄保險係搵笨柒，咁「非保證回報」更加係搵笨柒中嘅搵笨柒！
3. 就算回報做足，都係會輸通漲，更加唔好講自己將資金增值更有效！
4. 做乜都要量力而為
5. 要識 say NO!

新鮮人諗起當時要節衣縮食咁供保單就覺得好慘…最後係去到自己真係冇錢發窮惡先甩到身
自此，新鮮人完全唔理呢班保險食屎狗！
原來真係冇嘢惡得過發窮惡！哈哈！

當年新鮮人係恆生同保誠都有幾張保單，有年金有儲蓄保險
平心而論，恆生預期回報做到一樣，但保誠係完全唔掂！
本身新鮮人諗住供滿哂先一次過由當年 sell 我嘅預期回報、一年年咁放哂上網去鞭屍！
當年 sell 我單時講到有成千萬，點知年年都縮！完全搵笨柒！
唔搵笨柒都搵咗咁多年，咁點解冇啦啦會寫保險呢？
因為呢排登入保誠個網真係睇到爆哂粗！



將來幾年特別紅利已經縮定，到時應該都係有少冇多！
我真係唔明保誠班精算師做乜！
每年都做唔足回報，殺雞取卵式劏客，咁樣仲邊有回頭客呀？！
保誠做唔足回報，我講嘅！我唔驚畀人告！
係告我就快，唔好等下個禮拜！

真係好慘，當一張單係供 15 年，人一生有幾多個 15 年畀人呃呀？！
到我供滿一日，我必定會將每一張預期回報放上網！
STAY TUNED!

更新：儲蓄保險食屎狗：呃你十年八年，呃埋孤兒寡婦

更新：儲蓄保險食屎狗 2021：今年條數做得靚？早死早著，遲死瞓唔著咋！

更新：儲蓄保險食屎狗 2022：條數好過上年，不過都仲係同簽單個預期回爭好遠！

更新：儲蓄保險食屎狗 2023：梗係做差咗啦，你慌會有好嘢咩？！