五一黃金週

支針開頭話可以防感染，整整下就話唔防感染防重症，到今日都唔知仲有乜用，不過都要打！

開頭話一針就得，之後就要打哂兩支先叫完整接種，到下個月就係打哂三支先得！

新鮮人就最支持政府施政！有冇用都好！打！往死裡打！

第三針咪第三針！政府公佈打第三十針都照打！

之前打頭兩針都唔舒服兩三日，適逢五一黃金週星期六日一假期可以休息，唯有去打針啦！

唔打針，想屎都冇得食咩？！

DIV.01997 九置派息

新鮮人手上有兩種 1997 九龍倉置業嘅股票
一種係由 0004 九龍倉集團以實物分派方式派發，另一種就係由頭月供返嚟
新鮮人係將呢兩種唔同來源嘅九置股票分開入帳嘅

參見：實物分派的迷思：0004 九倉、1097 有線、1997 九置

#1997 (實物分派方式派發)：
1860 @ $0.64 = $1190.40

1997 (月供)：
1931 @ $0.64 = $1235.84

蜜蜂

記得小時候好驚蜜蜂，大人教：一見到蜜蜂就要企定定，因為企定定就冇事，唔會被蜜蜂針

最近兩個月都驚咗個市，唯有企定定唔 trade…
一年後回看今日，可能會問自己當年點解會放棄一個 short put 嘅黃金時代…

月供股票名單 (第九次更新)

股票代號	股票名稱	月供金額
00003	香港中華煤氣	2,000.00
00066	港鐵公司	1,500.00
00823	領展房產基金	1,500.00
01038	長江基建集團	1,000.00
01997	九龍倉置業	1,000.00
02588	中銀航空租賃	1,000.00
02778	冠君產業信託	1,000.00

唔夠錢使，慳得就慳…

諗咗幾日應該 cut 邊隻月供股票，價低價殘先應該月供，但無奈係新鮮人個荷包仲殘…

最後都係每人都減 $500，一齊攬炒咁就公平喇！

03988 買入中銀

317 @ $3.14 = $995.38

月供股票 CXXVIII + 股息投資

0003: 271 @ $9.17 = $2485.07
0066: 47 @ $41.95 = $1971.65
0823: 29 @ $67.90 = $1969.10
1038: 27 @ $53.45 = $1443.15
1997: 39 @ $37.80 = $1474.20
2588: 25 @ $58.55 = $1463.75
2778: 419 @ $3.56 = $1491.64

==================================================

股息投資：
0003: 109 @ $9.17 = $999.53

環聯 TransUnion

話說如果有睇開嘅讀者都知最近新鮮人跑緊山
跑嚟跑去都未跑夠，唯有諗吓計點樣再借錢

借錢就當然要睇 TU
新鮮人含淚俾咗 $280 拎自己信貸報告

第一次俾錢買 TU，當然係整個月日日都 download 一份，唔好蝕俾佢
但其實俾錢買嘅同唔駛錢嘅 TU report 冇分別

新鮮人之前如果申請唔到信用卡都會拎返一份免費 TU report
儲埋唔同銀行 redeem code，直頭俾人 decline 申請都可以即刻上網拎一份，連 email 都慳返
遲吓有機會再分享

返返正題，新鮮人之前每一份 TU report 嘅信貸評分都係 A
古語有云：「白白淨淨無性病」，一直覺得銀行唔做我生意係佢地自己損失
今次一俾錢拎份 report 睇，原來新鮮人信貸評分已經係 B，仲要係挨近 C！

新鮮人現時信貸額大概有 250 萬左右
信貸使用率大概 35%，即係大概有 80 萬街數！超過一年人工！
新鮮人自問好少消費，點解會有咁多街數？！
原來係因為卡冚卡，兩間銀行兩面都會 bill 咗同一條數

即係新鮮人本身係渣打免費拎緊廿萬出嚟套息先算，即係個個月 1 號都即刻拎十萬出嚟
有十萬蚊落咗今個月月結單嚟緊要還，十萬蚊就下個月
用恆生找卡數找十萬，keep 住咁落去個個月都做
最後就會令恆生個個月都要找十萬 (用月頭渣打舊錢去找)，而有十萬會係落埋下一個月張單
係 TU 報告入面就變成我有 40 萬街數喇！係唔係好簡單呢？

好老實，ABC 依家嘢同會考一樣都係虛名，其實唔爭太多
新鮮人會考拎 B 嗰科其實知識仲深過拎 A 嗰科，不過做唔哂都冇計！
不過考試局又好，TU 又好，你俾嗰 B 我係拎唔走我知識同信用啫，總係有少少戚戚然:「點解唔係 A？！」
新鮮人決定要解開依個謎

在計算閣下的信貸評分時，您的信貸評分受以下的評分因素影響。評分因素根據您當時的信貸報告內的資料分析得來。這些因素只作參考之用，而非改善信貸評分的建議，評分因素亦會隨著時間而改變。

您的評分因素：

- 有最少一間信貸提供機構，就您的信貸申請作出查詢，顯示您或曾頻密申請信貸，而被貸款人視為信貸風險提升因素。 (參考編號:022U)

- 您的信貸報告或並未有足夠的資料，顯示您有否妥善使用按揭貸款賬戶。持有這類貸款賬戶對信貸評分有正面影響。 (參考編號:073U)

- 您的貸款賬戶總結欠金額，佔用了較高的信貸額。貸款人或會視之爲過度消費的風險，而影響您的信貸評分。低結餘信貸額比率是其中一個正面的評分因素。 (參考編號：137U)

1 係話新鮮人申請密：即係話依條友有蠱惑，突然大跑山，係唔係想一次過借盡去英國？
2 係話新鮮人冇按揭：即係話依條友全部都係冇抵押，講個信字，走佬最多只係斬對手落嚟！
3 係話新鮮人借得多：即係話依條友爭落街數一年人工都還唔哂，再借俾佢就自己睇路喇！

新鮮人一直都有咁樣免息免手續費用恆生卡冚卡嘅優良傳統 / 陋習
所以 3 其實唔係新鮮事
不過究竟幾多先叫多呢？
有日新鮮人如常 download 每日 report 時，突然發現冇咗第 3 句！

當日發生咩事呢？
就係因為銀行通常月尾更新紀錄上 TU
依幾日開始陸陸續續睇到唔同銀行嘅還款紀錄
新鮮人發現，只要信貸使用率跌到低過 30%，係 TU 眼中就唔算係高！

中學數學堂嘅環節又返嚟喇！
點解可以令一個分數 (或百分數) 變細呢？
分子變細，分母變大

所以似乎如果要強行令信貸使用率變低，最直觀當然係還錢
第二個方法似乎係特登申請多 D 信用卡唔用放係度喇…