131 @ $1.80 = $235.80
2022年3月26日星期六
2022年3月22日星期二
煤氣：埋單計數
延伸閱讀：煤氣取消紅股！！！！！
新鮮人現時持有 34 手多少少嘅煤氣
今日跌咗 $1.64，實質一日冇咗 $55,000
又冇咗成個月糧…
但係新鮮人已經冇咗感覺
究竟係因為上年藥明生物嘅 short put 一日都可以冇呢個數
定係因為呢兩年係香港充分咁學識冇嘢係冇可能？
雖然標題係「煤氣：埋單計數」，但新鮮人其實冇諗過賣煤氣
一嚟係已經太遲喇
二嚟係新鮮人其實仲未要倒蝕
不過就算係唔係蝕緊錢都好，對於新鮮人都冇乜大影響
新鮮人暫時只係賣出過一次月供倉嘅股票，就係 3988 中銀
嗰時係覺得 3988 有 D 貴，所以食糊先，唯一後悔就係齊頭賣十手而唔係清倉
新鮮人最近屋企好等錢使，但暫時都只係賣住非月供倉股票先，平手走到都算苦中一點甜
好多嘢都係整定，冧市先係會突然要用錢
唉…
煤氣取消紅股！！！！！
延伸閱讀：煤氣紅股 20 送 1 (II)
尋晚煤氣公佈取消派紅股！
以往「10 送 1」搭「不變股息 $0.35」，de facto 股息每年增長 10%
就算兩年前變「20 送 1」，只要有「不變股息 $0.35」，de facto 股息都有每年 5% 增長
今年紅股清零，仲要話「如無特殊情況，預計2022年度全年每股股息將不少於2021年度所派發之中期及末期股息」，即係九成九都唔變啦！
就算 1038 長建都會扮吓嘢每年加 1 仙股息之後話年年有增長啦！煤氣連呃你都費事！
難怪開市前時段最多跌過 15% 開外，9:30 開市跌 10%，緊接住就係老散人踩人
股價直線向下，唔講仲以為煤氣係同尋日東方航空空難致敬添呀！
股價暫時係 $10 附近爭持，似乎仲有排落
現價 $10，每年 $0.35，唔駛計數機都知一年派幾多息啦！
估唔到四叔未死，佢個仔就咁樣玩法！
明報：煤氣去年少賺17% 末期息23仙 取消紅股 預告今年全年股息不少於去年
煤氣去年少賺17% 末期息23仙 取消紅股 預告今年全年股息不少於去年
中華煤氣（0003）公布，截至去年底止年度，期內股東應佔溢利為50.17億元，遜預期，按年跌16.5%，每股盈利為26.9仙，末期股息每股23仙，連同中期息12仙，全年派息35仙，取消派發紅股。集團預告，如無特殊情況，預計2022年度全年每股股息將不少於2021年度所派發之中期及末期股息。
集團營業額535.64億元，按年增加30.88%。在本港煤氣業務方面，2021 年全年本港煤氣銷售量約為276.77億兆焦耳，較上年度輕微下降 1%；而本港爐具銷售量則受惠於疫情放緩帶動新居入伙量增加，較上年度上升 8.8%。截至去年底，客戶數目為196.49萬戶，較上年度增加1.1%。
內地業務方面，包括港華智慧能源在內，截至去年底集團在內地之城市燃氣項目總數達303個，全年總售氣量約為310.8億千萬立方米，較上年度增長 16%，燃氣客戶則增加至約3,503萬戶，增長10%。
展望未來，集團將積極投資於燃氣供應之基建工程，以滿足未來城市之發展，預計 2022 年本港煤氣客戶數目將保持穩步增長。內地業務方面，港華智慧能源未來之業務將會陸續展開一系列重組， 致力使發展更趨進步、完善，目標是力爭用 5 至 10 年之時間，發展壯大成為中國能源管理行業之領導者。
2022年3月19日星期六
供大咗…
上一篇都話新鮮人最近等錢使，開始研究緊月供股票駛唔駛減吓額
睇到剛剛 3月月供紀錄：1997 點解一個月寧寧舍舍供緊 2000 蚊？
再睇返月供股票名單：明明 1997 應該係供緊 1500 蚊一個月喎！
一路追蹤返，原來由 2021 年 5 月開始供多咗
估計係上年 4 月派完息，諗住股息投資由 500 蚊增加到 1000 蚊，點知唔記得咗！
咁可唔可以將條數撥返入股息投資呢？
冇話唔得嘅，不過供完 2022 年 2 月嗰期已經將股息全數投資返哂落去，夾硬將條數入落去股息投資就會凸章咁囉！
而且唔係凸一個月咁少，因為本身 2021 年 5 月開始供，如果 500 蚊一個月就要 10 個月，加到 1000 蚊其實 5 個月就會搞得掂
加上改條數會影響埋 2021 年 8 月除淨又會影響到實物分派個比例
所以決定將紀錄不變，順便提醒自己以後要加倍小心！
實質供多咗幾多呢？
用咗 ＄5411.1 供多咗 132.75 股，平均價 $40.76
星期五收市價係 $38.85，即係又跌錢！跌咗 $253.76…
真係越窮越見鬼…
2022年3月18日星期五
塞翁失馬，焉知非福？塞翁得馬，焉知非禍？
塞上之人，有善術者，馬無故亡而入胡，人皆吊之。其父曰：「此何遽不為福乎？」居數月，其馬將胡駿馬而歸，人皆賀之。其父曰：「此何遽不能為禍乎？」家富良馬，其子好騎，墮而折其髀，人皆吊之。其父曰：「此何遽不為福乎？」居一年，胡人大入塞，丁壯者引弦而戰，近塞之人，死者十九，此獨以跛之故，父子相保。故福之為禍，禍之為福，化不可極，深不可測也。(《淮南子‧人間訓》)
一通執笠，射倉射好耐都未搞掂
適逢大跌市幸免於難
射咗大部份倉，係 IB 開始 short 期權
適逢屋企突然要用錢，要即刻平倉賣正股
30 手中銀當年用 $3.40 接貨，兩年幾不斷 short call 同收息，將平均價拉到落 $2.86
但係因為做咗一日就要蝕錢平倉走嘅 short call，平均價跳上 $2.94
適逢港股彈返兩日，$2.94 走哂，兩年幾當發咗一場夢
出完貨，當然會升
「塞翁失馬，焉知非福？塞翁得馬，焉知非禍？」
故仔由細聽到大
容許我借用原文一句去形容 2022 年嘅香港：
人皆吊之！
月供股票 CXXVII + 股息投資
0003: 217 @ $11.50 = $2495.50
0066: 48 @ $41.30 = $1982.40
0823: 31 @ $63.90 = $1980.90
1038: 28 @ $52.15 = $1460.20
1997: 57 @ $34.40 = $1960.80
2588: 26 @ $55.90 = $1453.40
2778: 414 @ $3.61 = $1494.54
==================================================
股息投資：
0003: 86 @ $11.50 = $989.00
0066: 48 @ $41.30 = $1982.40
0823: 31 @ $63.90 = $1980.90
1038: 28 @ $52.15 = $1460.20
1997: 57 @ $34.40 = $1960.80
2588: 26 @ $55.90 = $1453.40
2778: 414 @ $3.61 = $1494.54
==================================================
股息投資：
0003: 86 @ $11.50 = $989.00
2022年3月2日星期三
IB、期權
自從一通宣佈動態清零後，新鮮人忙於將實物股票轉倉，最麻煩係要諗吓期權點搞
新鮮人本身有 D short put 係三月同四月到期，本身應該都可以安心等 expired
但以免夜長夢多，只好忍痛平倉，簡單 D 講：跌錢！
新鮮人亦都有 D short call / short put roll 到九月同十二月，本身目標係希望到時到價冇事
就算要被行駛咪再 roll，中間都賺吓時間值
呢一堆先頭痕，又遠期又極價內
而除非新鮮人以後洗手唔玩期權，否則都要學一個新系統
而新鮮人係揀咗用 IB，而新鮮人亦都要將所有 excel 重新寫過
一通期權收費係每張 5 蚊，上限 30 蚊封頂
IB 就係期權金 0.2%，最少 $18
咁樣係直接影響新鮮人做期權嘅習慣
以前用一通，最好就係大件夾抵食嘅合約，一張賺過萬就最好，因為都只係 5 蚊
亦都係呢個原因，新鮮人係一通下半場主力都係 short WXB 藥明生物
反之，上半場新鮮人主力都係留意返自己 comfort zone 入面嘅股票，例如 XCC 建行、XBC 中行
short 呢兩隻中資股閒閒地都幾十手咁做，最多嗰次 short 咗成百張！
細價股就係咁，就算要接 30 手中行都分分鐘唔駛十皮，可想而知期權金分分鐘少過 short 藥明，但係手續費就要去到 30 蚊
將來用 IB，收期權金 9000 蚊就啱啱好收 18 蚊
咁如果係 short 藥明，用 IB 就貴咗 13 蚊
但如果係 short 建行，用 IB 反而就平咗 $12 蚊喇！
如果金額再大 D 就好明顯用 IB 冇著數！例如期權金 40,000 蚊，佣金係去到 80 蚊！
「你賺得 4 萬蚊都唔志在 80 蚊啦！」
如果可以 short 到 4 萬蚊兼且袋袋平安就係嘅！
但唔想接貨出貨而 roll 到年尾呢？強制平倉呢？新鮮人被強制平倉得最金嗰一次，當日就被一通用咗 6 萬蚊平倉！如果係 IB 就盛惠 120 蚊喇！
新鮮人都想知新鮮人以往期權習慣究竟係轉用 IB 之後會唔會蝕底咗好多，所以 gen 咗條數出嚟望吓：
次數：115
金額：$380,556
平均金額：$3309.18
合約張數：1219
平均合約張數：10.6
佣金：$2120
平均佣金：$18.43
真係飛機撞紙鳶！又會咁啱得咁橋又係 18 蚊！
新鮮人再用 IB 佣金計一次，如果呢 115 個交易係 IB 做，究竟會收咗幾多佣金呢？
答案：
佣金：$2123.18
平均佣金：$18.46
而當中有 60 次係一通較貴，55 次係 IB 較貴
而平倉部份：
次數：68
金額：$276,588
平均金額：$4067.47
合約張數：710
平均合約張數：10.44
佣金：$1155 (如用 IB：$1324.22)
平均佣金：$16.99 (如用 IB：$19.47)
而當中有 32 次係一通較貴，36 次係 IB 較貴
總括嚟講，似乎新鮮人用一通定係 IB 係冇乜大分別，只要唔好又俾人斬倉就唔會出現天價佣金
只係做價內期權賺多 D 權金冇以前咁著數
但另一方面，做幾十幾百張合約同做一張唔再有分別，咁似乎可以分散係唔同股票上面，唔駛再玩嚟玩去都係玩藥明喇！
訂閱：
文章 (Atom)