前文：儲蓄保險食屎狗
更新：儲蓄保險食屎狗 2023：梗係做差咗啦，你慌會有好嘢咩？！
十年前就係用呢個表去 sell 我
十年前就係用呢個表去 sell 我
十年後個非保證回報當然做唔足！
今年盤數可以睇返呢度：儲蓄保險食屎狗
今年派彩作實：$107,890 → $91,957 = -$15,933 (-14.8%)，冇一成半！
如果只睇非保證回報：$51,845 → $35,912 <<$4,290 + $31,622>> = -$15,933 (-30.7%)，冇三成，即係當年所吹嘅打七折！
交完 15 年保費，本身預計當年現金價值 $279,060，今年最新預計 $184,231
爭成 9 萬幾蚊！冇咗三成四！
只因非保證回報由 14 萬幾變成 4 萬幾！冇咗超過六成半呀！
即係超過一半都係吹水！當你供滿先知當你一大半嘅憧憬都係假嘅！
本身預計 breakeven 係第 12 年，今年最新預計係第 18 年！應該都係有遲冇早！
好多保誠保險狗話佢地 D 狗單著重身故賠償，我就同你睇埋身故賠償！
今年即死本身預計有 $738,244，呢家得返 $665,029，少咗成 $73,215 (-9.92%)
第 16 年先死本身有過百萬，依家預計定同你講聲 sor撚ry，因為預計都係得返 67 萬！
冇咗 32 萬 (-32.8%)，即係你兩個仔唔好讀大學囉！哈哈！
想要返 100 萬？咁要等到 30 年先好死喇！，而本身 30 年先死係會有 150 萬嘅！
孤兒寡婦錢都咁樣呃就真係好．撚．慘！
儲蓄保險，儲蓄又做唔好，保險又唔夠保障…
師兄，睇到咁嘅情況我都好嬲，可以點聯絡你？想了解多啲
回覆刪除係度留言就得，如果好敏感唔想公開，你留言 mark 清楚，唔放個 comment 出嚟都得
刪除網上世界還網上世界，打爛哂保險狗飯碗，都驚保險狗甚至保險公司話要賠人壽保險俾老婆仔女
收到你最新 comment
刪除之前每年年結都係實物信件，放咗係迷你倉，遲吓搬屋或者移民就一次過拎出嚟，做個 excel 又好，放哂每一張上網都好，到時同大家分享
上公司官網check唔到？
回覆刪除間狗喱公司點會每一年都放返出嚟吖，咁咪俾人睇哂佢點樣年年縮沙唔多覺
刪除本身 12 年 breakeven，去到 12 年就話要 18 年先得
或者係本身 16 年死有一百萬，去到今日同你講要 47 年死先有一百萬
咁樣一聽已經好大反應啦！如果俾你睇得返佢點樣年年偷少少等你唔覺眼，偷到上面咁無恥，佢以後仲使做生意嘅？
師兄，我16年買左保誠危疾儲蓄，年年供萬幾，年年都想斬左佢，轉bowtie，有冇咩意見？
回覆刪除好多嘢考慮喎！例如本身供幾多年會滿、「保證」回報一年增加幾多錢等等！
刪除例如你睇 https://hksufm.blogspot.com/2022/05/2022.html 最新一期 2022 年單，「保證」回報由 $77216 變 $90002，多咗 $12786，年繳保費就係 $14460，爭 $1674，即係用 $1674 買緊份人壽，再博埋「非保證」，自己可以衡量值唔值博！
但嗰 $12786 就真金白銀拎出嚟放係佢個戶口入面，同強姦金一樣！係你嘅不過唔用得！呢點都可能要考慮埋！
都係cut左佢買番bowtie，年年供萬幾，儲錢自己都儲到
刪除FT168算儲蓄保險？
回覆刪除「供滿」可以拎返錢、或者「供滿」可以永續就係有儲蓄成份
刪除想揾你幫手睇份儲蓄保險 有咩方法聯絡
回覆刪除冇牌唔識同人睇，同埋立場都好明顯問都哂氣，所有儲蓄保都係垃圾，爭在會唔會硬住頭皮供埋佢
刪除其實為何唔問賣你的aa？
刪除ching 想問仲有咩係唔垃圾? 莫非要自己投資?
回覆刪除情願做定期都好過俾人鎖幾十年
刪除