講多無謂，食多會滯！直接比較！
2020 年：預計第 11 年保單年度終結時退保價值 $112,059，身故賠償 $644,683
2021 年：預計第 11 年保單年度終結時退保價值 $117,717，身故賠償 $668,718
2022 年：預計第 11 年保單年度終結時退保價值 $125,357，身故賠償 $699,904
進步得咁緊要呀？都係嗰句啦：賠多咗錢真係抵死呀！
使唔使我同每一隻保險狗都講聲「谢谢！长官！」咁呀？
當年氹我簽名個張預期回報係點寫？去片喇！
預計第 11 年保單年度終結時退保價值 $152,658，身故賠償 $813,274
退保價值少 $27,301 (-17.88%)，身故賠償少 $113,370 (-13.94%)
歸根究柢，都係因為非保證回報出事！
現金價值非保證回報當年預期會有 $75,442，今年就預計得返 $5,047 + $43,094 = $48,141
非保證回報少咗嘅 $27,301 只係當年預計嘅 36.19%！即係大跌 63.81%！！！！！
身故賠償非保證回報當年預期會有 $313,274，今年就預計得返 $20,956 + $178,948 = $199,904
非保證回報少咗嘅 $113,370 同樣只係當年預計嘅 36.19%！大跌 63.81%！！！！！
得返 36.19％、大跌 63.81% 係咩概念呢？
係一份打任何工你都會畀人即炒咁囉！
本身一分鐘洗十隻碗，依家一分鐘洗三隻碗？即炒！
本身一個鐘睇十個病人，依家一個鐘睇三個病人？即炒！
本身一個鐘睇十個病人，依家一個鐘睇三個病人？即炒！
本身谷到全香港 700 萬人打針，依家得 250 萬人打？即炒！
天下間應該得保險狗同 fund 佬可以咁厚顏無恥、繼續收你錢再幫你日日蝕、月月蝕、年年蝕！
讀者睇完仲唔快 D 約保險狗出嚟買會大縮水嘅「保障」？！
我份美金單又ok 喎
回覆刪除天文台台長？
刪除麻煩BLOG主寫返清楚係保誠
刪除唔好累埋其他保險公司
發神經！
刪除姐係點。價格可升可跌😂而家美金都仆街啦噃。加上會貶值。。多謝blog主發聲👍🏻👍🏻好人好事。長知識
刪除Hello. I want to ask if annuity would be better than saving plan? I am not good at investment and got extra money... Which firm do you recommend based on your experience? Thank you so much.
回覆刪除年金都要睇清楚保證同非保證部份，供款之前計清楚，當佢非保證係零，你如果收貨覺得 OK 咪去馬
刪除Thank you so much! Do you use any at the moment? I am thinking among HSBC, AIA and Manulife at the moment... Because it helps save tax.
刪除blog 主 想問有咩保險你認為一定要買?
刪除調返轉咁講，有得揀多次就一定避開哂有「儲蓄」、「供得斷」嘅保險
刪除師兄，我前兩日去獅子銀行開戶口卑人sell儲蓄保，啱出來做嘢冇幾耐唔識野，見人傾得來就on99簽咗張單（哭）。應該仲嚮冷靜期但係手上得番建議書冇保單。咁應該搵翻保險佬cut咗佢，還是直接打保險hotline？驚保險佬x番轉頭
回覆刪除直接搵 hotline 唔駛煩
刪除ok，咁就算未有保單編號同埋冷靜期通知書（啱啱簽咗三日)，嚮hotline都照樣cut到？感覺都要去其他分行cut單先得……
刪除終於遞交申請cut單，交嘅首期都退埋，唔使on99背十年債了（哭）
刪除多謝師兄！
恭喜哂！一身鬆哂感覺一定好好！
刪除最重要係唔使被「儲蓄」搵笨柒！
多謝blog主警世post，冷靜期內單已cut，撚到隻銀行保險狗一棟都冇，爽！
回覆刪除你其實係想買投資產品定保險？？？
回覆刪除多謝你分享一些數據想問其他公司例如aia 和 fwd saving plan 實現率。個個都話有9成唔知信不信得過
回覆刪除搜尋公司名 + GN16 就有
刪除如果好似保誠咁個個 plan 都話因為新 plan 未有數據，咁就要好小心
因為九成九玩緊做柒咗就改名洗底