呢半年好多銀行有借錢優惠，新鮮人當然會借盡，然後放係大新出糧戶口，月月賺 2.25%
連埋本身自己預接貨嘅現金，個個月同另一半收 $2000 活期利息都咪話唔和味！
延伸閱讀：
心水清嘅讀者都計到，每月 $2000 活期利息，講緊係存緊超過 100 萬現金
但係新鮮人都冇計住有幾多係自己錢，有幾多係借返嚟
所以早排計咗一次數，原來新鮮人自己嘅現金比想像中少
引伸嘅問題係：如果俾人 put，我會唔夠錢接哂所有貨！
大概就係得 1 蚊但係做緊 2 蚊 short put，即係做緊 50% 孖展比率
原來新鮮人一直係度賭緊白頭片…哈哈！
咁新鮮人第一件事就梗係諗去槓桿
但望落接貨機會真係唔高，咁就算喇，唔平倉，下次唔好做咁重手算數
但頭先新鮮人係未平倉嘅情況下再做 short put，將孖展比率推到 62.5%
即係新鮮人得 1 蚊，但應承咗接 $2.67 貨
當然新鮮人暫時覺得要接哂貨風險唔高
但如果真係要接貨呢？
可能只係可以問另一半借住幾十萬應吓急
大不了就賣正股、賣美股、賣加密貨幣
再唔係咪同銀行借 loan
就算平倉唔接，最多咪係輸幾千
所以接完再賣，輸嘅都係呢個數額
中學讀書成日都話首尾呼應，都係嗰句：最緊要「量力而為」
可能新鮮人真係唔夠膽贏，完全想像唔到點解有人可以賭突全副身家，甚至輸埋條命
但新鮮人今日「量力而為」嘅諗法，其實又係唔係每一個爆廠輸突嘅人當年嘅諗法呢？
沒有留言:
發佈留言