增加被動收入：股票期權短倉

新鮮人呢家一年大概可以收到萬幾蚊息，但錢冇人嫌多，新鮮人最近就開始加入股票期權短倉嘅行列，希望可以穩定咁增加被動收入啦

最開頭新鮮人只係想做 short call (沽出認購期權)，希望月供股票等收息之餘可以執少少期權金，為咗唔會輸身家，所以新鮮人只係會做 short covered call (沽出備兌認購期權)
不過新鮮人月供正股係哂中銀，冇理由為咗做 short covered call 而用中銀沽期權畀貴佣金

其實新鮮人都有係股票行買正股嘅習慣，0823 領展帳面上都執咗四成幾
短時間都唔諗住賣，最好就做 short covered call
係準備緊沽出期權嘅時候，突然發現原來領展 short call 嘅合約買賣單位係 1000，即係兩手正股！！！而新鮮人係股票行只係得一手領展，即係爭少少就 naked！！！
新鮮人係一秒風險都唔會冒嘅！因為冒風險就同新鮮人加入期權行列有抵觸！

最後新鮮人以準備好接貨嘅狀態 (心態同現金) 去做 short put (沽出認沽期權)
心態同現金真係缺一不可！
以低價接到心儀股票 vs 被迫高價接貨，唔識諗盞自己唔開心！
財力就更加重要！唔夠按金被斬倉聽到都已經夠慘
所以新鮮人長期準備好現金，隨時要新鮮人接貨都冇問題！！！！！